OFICINA MUNICIPAL DE INFORMACIÓN XUVENIL. CONCELLO DE VIVEIRO

A Consellería de Educación e Ordenación Universitaria convoca os premios extraordinarios de educación secundaria obrigatoria ao rendemento académico correspondentes ao curso 2008-2009 co obxecto de dar recoñecemento público aoesforzo e dedicación do alumnado desta etapa educativa, reforzar aqueles aspectos que inciden na mellora do sistemaeducativo e xuntar excelencia con equidade, igualdade de oportunidades e posibilidades de desenvolvemento persoal.

Poderanse conceder ata un máximo de 20 premios.

O alumnado que resulte premiado recibirá un diploma acreditativo e un ordenador portátil.
Poderán optar aos premios extraordinarios de educación secundaria obrigatoria ao rendemento académico o alumnado
que reúna as seguintes condicións:
1. Cursar durante o curso 2008-2009 cuarto curso de educación secundaria obrigatoria no réxime ordinario en calquera
dos centros da Comunidade Autónoma de Galicia.
2. Estar proposto polo equipo docente para a expedición do título de graduado en educación secundaria.
3. A media das cualificacións dos alumnos e alumnas solicitantes debe ser igual ou superior a 9 puntos.
4. Esta nota media será a media aritmética das cualificacións en todas as materias dos catro cursos da etapa.

O alumnado que, reunindo os requisitos indicados, desexe optar aos premios extraordinarios, deberá solicitalo antes do 23 de
novembro de 2009.

Máis información no DOG do 22 de outubro de 2009 e en www.edu.xunta.es

O Centro Cultural Daniel Castelao convoca o VII Certame de microrrelatos Lonxa Literaria.

Os microrrelatos deberán estar escritos en galego normativo e cunha extensión máxima de 15 liñas a dobre espazo e
cunha letra tipo "Times New Roman, nº 12". No texto deberá conter necesariamente a palabra ESCUMALLO.

Teléfono: 986 314 250
Máis información: http://www.xuventude.net/web/xuventude/expresate

O Instituto Galego de Consumo e a Consellería de Educación e Ordenación Universitaria convocan un concurso de premios
para a elaboración de carteis, fotografías, soportes audiovisuais e ilustracións que teñan como tema os dereitos das
persoas consumidoras, dirixido ao alumnado de escolas de arte, ciclos superiores de deseño e produción editorial, ciclos
superiores de comunicación, imaxe e son e bacharelatos artísticos.

Modalidade A: carteis.
2. Modalidade B: fotografías.
3. Modalidade C: vídeos.
4. Modalidade D: cuñas de radio.
5. Modalidade E: ilustracións.

O prazo de presentación dos traballos remata o día 10 de novembro de 2009.

Máis información: http://www.xuventude.net/web/xuventude/expresate

O Concello de Bueu (Pontevedra) convoca o XIII Premio de Poesía Johan Carballeira.

Poderán concorrer a el autoras e autores que presentaren os seus orixinais escritos en lingua galega. Os textos, cuxa
extensión deberá superar os 400 versos, terán que ser inéditos e non estar premiados en anteriores convocatorias do
premio nin en ningún outro concurso de poesía.
Dotación: O premio terá unha dotación única e indivisible de 1.500 € e publicación da obra gañadora por parte do
Concello de Bueu
O prazo de presentación das obras será ata o 16 de novembro de 2009.
MÁIS INFO:tel. 986 32 43 38

CERTAME LITERARIO FRANCISCO LORENZO MARIÑO

Poderán participar todas as persoas interesadas, de calquera nacionalidade que presenten os escritos en lingua galega.

Os textos presentados deberán ser inéditos. O tema libre.
Os traballos según as categorías deberán ser:
Categoría A, rapaces entre 6 e 15 anos, de 20 a 60 versos en poesía e de un a tres folios na modalidade de narrativa.
Categoría B, de 16 anos en diante, de 100 a 250 versos en poesía e de 5 a 12 folios en narrativa, coa letra de Times
Roman e un tamaño de 12.

Os premios para as distintas categorias e modalidades será de 180 euros para cada unha. Tamén haberá accésit e
diploma da publicación galardoada.

Os traballos presentaránse en sobre pechado, orixinal e tres copias, figurando no seu exterior Certame Literario
Francisco Lorenzo Mariño-Aguiño, 50 anos de parroquia.

O prazo de presentación dos traballos finalizará o venres 16 de outubro de 2009.

VI CERTAME DE NARRACION CURTA DO CONCELLO DE CURTIS

Convócase o VI Premio de Narración Curta do Concello de Curtis "CURTIS TREME" (con temática de terror).

Os textos presentados deberán estar escritos en lingua galega.
Os orixinais, inéditos e non premiados en ningún outro certame, deberán ter unha extensión comprendida entre os 3000
e 5000 caracteres (espazos incluidos).

MÁIS INFO:http://www.xuventude.net/web/xuventude/expresate

O Consello da Xuventude de Galicia (CXG), como socio español da iniciativa xuvenil "RECLOTHES – reboot your clothes", vai abrir o prazo de presentación de traballos para o noso país neste concurso internacional de deseño e elaboración de roupa con materiais reciclados.

Neste concurso participan Portugal, Hungría e España. A fase nacional xa rematou en Portugal e Hungría e ábrese agora para España.

O prazo de inscrición de participantes remata o 26 de setembro. O envío de traballos será dende o 1 ata o 26 de setembro, ben presentándoos na sede do Consello da Xuventude de Galicia, ou ben enviándoos por correo ao seguinte enderezo:

Consello da Xuventude de Galicia
Proxecto "RECLOTHES – Reboot your clothes"
Edificio Área Central – Polígono de Fontiñas
1º andar – Local L32 I-J-K
15703 Santiago de Compostela
A Coruña
Fonte. Consello da Xuventude de Galicia
Máis info:http://www.reciclario.com/

O Concello da Peroxa convoca o II Concurso de relatos curtos no que se poderá presentar calquera persoas de calqueranacionalidade.

O temá é libre e o estilo narrativa, tipo relato curto cunha extensión máxima de 1500 palabras. Os traballos presentados
deberá ser inéditos e en lingua galega.

Presentaranse en A4, a dobre espazo e se entregarán dúas copia. En sobre aparte co mesmo título incluiranse os datosdo autor, correo electrónico e teléfono de contacto.
O prazo estará aberto ata o 30 de setembro de 2009.

Premios:
1º premio: diploma + 100 €
2º premio: diploma + 60 €
3º premio: diploma + 40 €

O Concello da Peroxa convoca o I Concurso Fotográfico de Concello da Peroxa.

1.- Poderán presentarse persoas de calquer nacionalidade que teñan a súa residencia en España.
2.- Tema: libre.
3.-Presentación: sin enmarcar, nin pegada a soporte, calquer técnica fotográfica. Tamaño 20cmx30cm.
Non se admiten copias de impresora.
4.- O dorso escribirase o título. En sobre aparte co mismo título incluiranse os datos do autor, correo electrónico eteléfono de contacto.
5.- Prazo: Aberto ata o 30 de setembro de 2009.
6.- O número de obras presentadas será de tres por autor, poderán ser entregadas ou remitidas a: Praza do concello nº
83, 32150, A Peroxa (Ourense).
7.- Exposición: Tódalas obras serán expostas na biblioteca do concello do 15 ao 30 de outubro.

Máis información na OMix do Concello da Peroxa, teléfono 988 206 614
Máis información: http://www.xuventude.net/web/xuventude/expresate

A Fundación Galicia Europa, coa colaboración da Dirección Xeral de Promoción e Difusión da Cultura e da Dirección Xeral
de Xuventude, convoca o concurso fotográfico "Galicia Innovadora e Creativa". O mesmo está dirixido a mozos e mozas que
queiran expresar a través da fotografía a súa particular visión da Galicia máis vangardista e innovadora.

A temática do certame está en consonancia coa celebración no 2009 do Ano Europeo da Creatividade e a Innovación.

Poderán presentar os seus traballos todos aqueles mozos de idades comprendidas entre os 18 e os 30 anos; nados en
Galicia, fillos de galegos ou residentes en Galicia desde o 2006 (ter nacionalidade dun dos Estados membros da Unión
Europea). As obras presentaranse en papel ou formato dixital na sede da Fundación Galicia Europa en Santiago.

O prazo de inscrición remata o 20 de outubro.

FONTE: www.xuventude.net

O Círculo Mercantil e Industrial - Unidade de Fene mantén aberto o prazo ata o 30 de setembro para a recepción de orixinais para participar no premio.

As bases do premio atópanse publicads na web do certame: http://premioperezparalle.bloggaliza.org

A Deputación Provincial da Coruña convoca a 2ª edición do concurso de deseño de carteis e eslogans contra a violencia de xenero

O tema do cartel ten que gardar relación co motivo da conmemoración este ano do Día internacional da muller que é "Mulleres e homes unidos para poñer fin á violencia contra as
mulleres e nenas"

O prazo de admisión de orixinais finalizará o 30 de setembro de 2009.

Máis info: BOP CORUÑA DO 4 DE SETEMBRO DE 2009