OFICINA MUNICIPAL DE INFORMACIÓN XUVENIL. CONCELLO DE VIVEIRO

A Consellería de Educación e Ordenación Universitaria convoca os premios extraordinarios de educación secundaria obrigatoria ao rendemento académico correspondentes ao curso 2008-2009 co obxecto de dar recoñecemento público aoesforzo e dedicación do alumnado desta etapa educativa, reforzar aqueles aspectos que inciden na mellora do sistemaeducativo e xuntar excelencia con equidade, igualdade de oportunidades e posibilidades de desenvolvemento persoal.

Poderanse conceder ata un máximo de 20 premios.

O alumnado que resulte premiado recibirá un diploma acreditativo e un ordenador portátil.
Poderán optar aos premios extraordinarios de educación secundaria obrigatoria ao rendemento académico o alumnado
que reúna as seguintes condicións:
1. Cursar durante o curso 2008-2009 cuarto curso de educación secundaria obrigatoria no réxime ordinario en calquera
dos centros da Comunidade Autónoma de Galicia.
2. Estar proposto polo equipo docente para a expedición do título de graduado en educación secundaria.
3. A media das cualificacións dos alumnos e alumnas solicitantes debe ser igual ou superior a 9 puntos.
4. Esta nota media será a media aritmética das cualificacións en todas as materias dos catro cursos da etapa.

O alumnado que, reunindo os requisitos indicados, desexe optar aos premios extraordinarios, deberá solicitalo antes do 23 de
novembro de 2009.

Máis información no DOG do 22 de outubro de 2009 e en www.edu.xunta.es

O Ministero de Traballo e Inmigración convoca subvencións para a realización dun programa de carácter curricular que,
incluíndo a orientación, formación, integración e inserción no emprego, xere as competencias que permitan que os mozos
desempregados menores de 25 anos, en situación ou con risco de exclusión social e que teñan necesidades formativas
especiais e dificultades para a súa inserción ou recualificación profesional e se adapten aos novos requirimentos do
sistema produtivo.

As subvencións que se convocan pola Resolución poderán ser solicitadas por asociacións ou fundacións.

O prazo para a presentación de solicitudes será de vinte días naturais contados a partir do día seguinte ao da publicación da
resolución no «Boletín Oficial do Estado».
Información no BOE do 23 de outubro de 2009.
Máis información: http://www.xuventude.net/web/xuventude/asociacions/financiamento/ordedesubvencions.

A Consellería de Traballo e Benestar convoca bolsas para a realización de prácticas nos centros de atención a menores.
Son requisitos para participar na convocatoria os seguintes:

-Ser español/a ou nacional de calquera país membro da Unión Europea, legalmente establecido en España e con
residencia na Comunidade Autónoma de Galicia.
-Non ter cumpridos os 25 anos na data de finalización do prazo de presentación de solicitudes.
-Estar cursando ou ter rematados estudos de formación profesional de grao superior en animación sociocultural,
animación de actividades físicas e deportivas e integración social, ou estudos universitarios de psicoloxía, pedagoxía,
psicopedagoxía, mestre de educación primaria ou educación física, traballo social e educación social.
-Non realizar actividades profesionais remuneradas por conta propia ou allea, nin recibir bolsas similares ás desta
convocatoria.
-Non ter aproveitado en anteriores convocatorias estas ou outras bolsas de similares características por un período
superior a un ano.
-Non padecer defecto físico que impida o desenvolvemento normal da actividade do centro.

A concesión da bolsa comporta para o beneficiario:
O aloxamento e mantenza gratuítos no centro durante todo o tempo de realización das prácticas, de tal xeito que se lle permita o/a
bolseiro/a a normal realización dos seus estudos.

A asunción pola Consellería de Traballo e Benestar dos gastos seguintes:

-Custos de matrícula ata un importe máximo de 210 €, logo da correspondente xustificación de terse matriculado nos estudos
detallados no artigo 2º desta orde.
-Custos derivados da adquisición de libros relacionados cos estudos cursados, ata un importe máximo de 120 euros, logo da súa
xustificación a través da presentación da correspondente factura no prazo de un mes desde que tivo lugar a adquisición.
-O pagamento dunha contía mensual de 120 euros durante nove meses en concepto de bolsa, logo da xustificación polo director do
centro da realización das prácticas nos meses correspondentes.
A obtención, unha vez rematada a estadía no centro, dun diploma acreditativo das prácticas realizadas, que lles será entregado
polo/a xefe/a territorial do departamento territorial da Consellería de Traballo e Benestar logo do informe favorable do director do
centro.
A posibilidade de solicitude ás universidades de Santiago de Compostela, A Coruña e Vigo, no caso de ser alumnos destas, do
recoñecemento de 2 créditos de libre elección curricular.
Para o recoñecemento destes créditos, os alumnos deberán presentar na universidade correspondente a seguinte documentación:
-Diploma ou certificación acreditativa da superación das prácticas realizadas.
-Unha memoria da actividade realizada no centro.
Estes créditos recoñeceranse como de libre configuración curricular, sen que sexa posible superar os límites que, para estes efectos,
establecen os correspondentes plans de estudos.
A duración das prácticas e, polo tanto, as estadías nos centros dos adxudicatarios das bolsas, será do 1 de outubro de
2009 ao 30 de xuño de 2010.

O prazo de presentación de solicitudes estará aberto ata o 16 de novembro de 2009.
Máis información no DOG do 15 de outubro de 2009.

Máis información: http://www.xuventude.net/web/xuventude/ensino/bolsaseaxudas

A USC convoca 28 bolsas para o desenvolvemento de actividades nos centros docentes da USC.
Están dotadas con 145 € o mes durante sete meses (do 1 de decembro de 2009 ata fins de xuño de 2010)
Serán:
-22 bolsas no Campus de Santiago.
-6 bolsas no Campus de Lugo.

Requisitos:
Ser estudante da USC durante o cursos 2009-2010 de Grao, Máster ou titulacións non adapatadas ao EEES.
O prazo de presentación de solicitudes remata o 16 de outubro de 2009.
Información:
Reitoría da USC
Colexio de San Xerome
Praza do Obradoiro, s/n
15782 Santiago de Compostela
Teléfono: +34 981 56 31 00
Vicerreitoría de Coordinación
do Campus de Lugo
Praza Pío XII, 3
27001 Lugo
Teléfono: +34 982 28 59 00

Máis información: http://www.xuventude.net/web/xuventude/ensino/bolsaseaxudas
CURSO "

MOBILÍZATE POLA SELVA

O Instituto Jane Goodall pon en marcha esta campaña que consiste en reciclar móbiles colaborando en proxectos de educación ambiental e conservación de hábitats na Republica do Congo.

Todas a spersoas que queiran colaborar na protección dos ecosistemas africanos pode facelo entregando o seu móbil en desuso.

MÁIS INFO: http://www.movilizateporlaselva.org/es/

RENDA BÁSICA DE EMANCIPACIÓN

A renda básica de emancipación está dirixida a mozos e mozas de entre 22 e 30 anos, titulares dun contrato de arrendamento da vivenda na que residen e que conten cunha fonte regular de ingresos inferiores aos 22.000 euros brutos anuais. Pode incluír un préstamo de ata 600 euros para a fianza e 120 euros para costear un aval.

O Instituto Galego de Vivenda e Solo é a encargada de tramitar as solicitudes. Os demandantes deberán dirixirse a calquera das oficinas que o Instituto Galego de Vivenda e Solo ten nas sete grandes cidades do país, onde recibirá a información sobre todos os requisitos que debe cumprir o demandante e a documentación necesaria. Enderezos
A Coruña: Rúa Rianxo, 23 baixo
Ferrol: Rúa Magdalena, 48, baixo
Lugo: Praza da Universidade, 8 baixo
Ourense: Rúa Valente do Casar, 2, baixo
Pontevedra: Rúa Alcalde Hevia, 7, baixo
Vigo: Gran Vía, 160, baixo
Santiago de Compostela: Área central s/n primeiro andar, local 32 A
MÁIS INFO:igvs:xunta.es

Convocatoria polo procedemento de concorrencia
competitiva dunha bolsa de colaboración co Organismo Autónomo Museo Provincial de Pontevedra.
Para perfeccionamento e prácticas na catalogación
do Arquivo Gráfico, unha (1) bolsa.

Máis información: Boletín Oficial da Provincia de Pontevedra (BOP). núm. 194, do mércores 7 de outubro de 2009.
www.depontevedra.es

Son 4 bolsas de colaboración para Diplomados en Turismoou Ciclo Superior en Comercialización e Información Turística.

Os requisitos dos/as candidatas son:
1. Ser español/a ou nacionalidade dun país
membro da Unión Europea e residente no
momento da convocatoria desta bolsa de colaboración. Preferiblemente con residencia
na provincia de Pontevedra.
2. Estar en posesión do título de Diplomado en
Turismo ou Ciclo Superior en Comercialización
e Información turística, ou en condicións
de obtelo na data en que finalice o
prazo de presentación de instancias.
3. Non ter sido beneficiario dunha bolsa neste
organismo por un tempo superior a un ano.

O prazo de presenatción de instancias estará aberto ata o 22 de outubro.
MÁIS INFO: BOP PONTEVEDRA do 7 de outubro de 2009.

PERSOAL LABORAL TEMPORAL DA DEPUTACIÓN DE OURENSE

As prazas que se ofertan son:
- Auxiliar mecánico
-Axudante de oficina
-Peón agrícola
-Tractorista

O prazo de presentación de instancias remata o 13 de outubro de 2009.
MÍAS INFO: BOP Ourense de 5 de outubro de 2009.

PRAZA DE ADMINISTRATIVO/A NO CONCELLO DE ZAS

O sistema de selección é o de concurso-oposición. O prazo remata o 26 de outubro de 2009.
MÁIS INFO: BOE 5 de outubro de 2009.

PRAZA DE TRABALLADOR SOCIAL NO CONCELLO DE XUNQUEIRA DE AMBÍA. OURENSE

O sistema de slección será o de concurso- oposición.
O prazo de presentación de instancias remata o 26 de outubro de 2009

MÍAS INFO: BOE do 5 de outubro de 2009.